![Askari katirsan ciidamada dowladda Soomaaliya oo ilaalo kahaya wado u dhow buundo kutaala magaalada Afgooye ee Soomaaliya. [Xuquuqda Sawirka: Reuters]](https://puntlandmirror.net/wp-content/uploads/2016/12/download.jpg)
Cabdiraxmaan Axmed Xasan, oo ah sargaal NISA katirsan ayaa wakaalada wararka Anadolu u sheegay in dagaalku uu qarxay kadib markii maleeshiyada Al-Shabaab ay soo weerareen saldhig ciidamadu ku leeyihiin magaalada Afgooye ee gobolka Shabeellaha Hoose.
“Saddex kamid ah ciidamadayada ayaa ku dhintay saddex kalena waa ay dhaawacmeen intii uu dagaalku socday. Waxaanu dilnay afar maleeshiyo Al-Shabaab ah. Waxaana nolol ku qabanay saddex ,” ayuu Cabdiraxmaan u sheegay wakaalada wararka Anadolu.
Afgooye waa magaalo beereed qiyaastii 30 km dhanka koonfurta-galbeed uga beegan caasimada Soomaaliya ee Muqdisho.
Bishii lasoo dhaafay ee Oktoobar sanadkan, ugu yaraan 11 qof ayaa ku dhimatay weerar ay Al-Shabaab kusoo qaadeen magaalada Afgooye.
Al-Shabaab ayaa dibada looga saaray intooda badan magaalooyinka kuyaala koonfurta Soomaaliya, balse maleeshiyadu wali waxay qaadaysaa weeraro ku dhufoo ka dhaqaaq ah oo lid ku ah ciidamada dowladda Soomaaliya iyo xoogaga AMISOM.
Related Posts
June 29, 2016 Sawiro: Maleeshiyada al-Shabaab oo qabatay diyaarad drone ah
August 26, 2019 Madaxweynaha Puntland oo u safray Itoobiya
July 31, 2024 What Somalia’s Recent “Constitutional Amendments” Say About Its Grim Reality
March 5, 2017 Madaxweynaha Puntland oo odayaasha dhaqanka gobolka Bari kulan kula yeeshay magaalada Boosaaso
