Muqdisho-(Puntland Mirror) 62 kiis oo cusub oo coronavirus ah ayaa laga helay Soomaaliya maanta, sida ay war-saxaafadeed ku sheegtay wasaaradda caafimaadka galabta oo Sabti ah.
Labo qof ayaa maanta u geeriyooday xanuunka, sida ay wasaaradda caafimaadka sheegtay.
Sida ku cad war-saxaafadeedka wasaaradda, tirada coronavirus ee Soomaaliya laga diiwaangeliyay ayaa gaartay 390 qof, halka dhimashadu ay kor ugu kacday 18 qof.
Soomaaliya oo kiiskeedii ugu horeeyay ee COVID-19 heshay 16-kii Maarso ayaa xanuunku si tar-tartiib ah ugu fidayaa dalka, oo nidaamkiisa caafimaad uu aad u liito.
Xanuunka ayaa sidoo kale saameyn dhaqaale oo balaaran ku yeeshay dalka oo ka soo kabanaya sannooyin bur-bur iyo colaado ah.
Khamiistii, wareysi uu wasiirka maaliyada Soomaaliya Cabdiraxmaan Ducaale Bayle siiyay BBC Somali ayuu ku sheegay in khasaare dhaqaale oo dhan 40% uu sababay coronavirus.
Related Posts
February 7, 2017 Security beefed up in Mogadishu ahead of presidential election
August 4, 2016 Nin Soomaali ah oo haweenay Maraykan ah mindi ku dilay gudaha magaalada London
January 18, 2019 Al-Shabaab oo caaruur ka badan 100 ka afduubatay gobolka Bakool
July 20, 2022 RW Soomaaliya oo sheegay in dowladda ay qorshaynaso qaadista howlgal ballaaran oo ka dhan ah kooxaha argagixisada
