Sida uu ku waramay wargeyska The Star ee dalka Kenya, toban oday dhaqameed ayaa soo gaaray gudaha Soomaaliya si ay uga dhaadhiciyaan odayaasha dhaqanka ee Soomaaliyeed ee kunool deegaanada ay Al-Shabaab maamusho in ay maleeshiyadu ay sii deyso dhakhaatiirta.
Jimcadii, niman hubeysan oo katirsan Al-Shabaab ayaa deegaanka Mandheera ee waqooyi-bari Kenya ka afduubtay labo dhakhtar oo u dhashay Cuba kuwaasoo howlo caafimaad ka waday deegaanada Soomaalida Kenya.
Dhakhaatiirta ayaa la weeraray xilli ay ku sii jeedeen isbitaalka Mandheera, waxaana weerarka lagu dilay askari booliis ah oo kamid ahaa ilaaladooda.
Saraakiisha ammaanka Kenya ayaa sheegtay in dhakhaatiirta laga gudbiyay xadka u dhaxeeya Kenya iyo Soomaaliya.
Al-Shabaab ayaa sanadihii u dambeeyay gudaha Kenya ka fulisay weeraro, qaraxyo iyo afduubasho ka dhan ah ajaaniib.
Related Posts
January 21, 2017 Dab balaaran oo dhaliyay khasaare dhaqaale oo ka kacay gudaha suuqa Bakaaraha ee Muqdisho
January 24, 2018 Farmaajo oo sheegay in dhawaan uu magacaabi doono guddi ka shaqeeya dabagalka fulinta mashaariicda horumarineed ee uu ka dhagax dhigay deegaannadii uu socdaalka kusoo maray
July 2, 2019 Limited U.S. military assistance to resume to some Somali troops
November 12, 2019 Xildhibaan Cali Axmed Dhahar oo ku dhawaaqay in uu u tartamayo guddoomiyaha baarlamaanka Puntland
