Ankara-(Puntland Mirror) Madaxweynaha Turkiga Recep Tayyip Erdogan ayaa wacad ku maray in Turkiga uu sii wadi doono la dagaalanka kooxda ISIS iyo dagaalyahanada Kurdiyiinta ee Suuriya, iyadoo maalintii shanaad uu socdo howlgalka ay ciidamada Turkiga uga gudbeen xadka oo ku galeen waqooyiga dalka Suuriya.
Isaga oo ka hadlayay shalay oo Axad ahayd gobolka Gaziantep oo kuyaala koonfurta-bari ee dalka Turkiga, halkaas oo 54 qof lagu dilay weerar isqarxin ahaa oo lala beegsaday aroos ay lahaayeen Kurdiyiinta asbuucii lasoo dhaafay, Erdogan wuxuu yiri: “Uma dulqaadan doono urur walba oo argagixiso ah oo jooga gudaha ama xadkayaga”.
“Taasi waa waxa aanu u galnay gudaha Suuriya,” ayuu ku daray Erdogan.
Ugu dambayna Erdogan ayaa carabka ku adkeeyay in ciidamada Turkiga ay sii wadi doonaan weerarada cirka iyo dhulka ah ee ay ku hayaan kooxaha ku sugan gudaha Suuriya oo Turkiga aaminsanyahay in ay ka dambeeyaan qaraxyada ka dhaca dalka Turkiga.
Related Posts
April 14, 2019 Puntland oo sheegtay in ku xigeenkii Cabdulqaadir Muumin lagu dilay duqeyn
April 18, 2018 Duqa kumeelgaarka ah ee magaalada Garoowe oo xafiiska la wareegay
February 15, 2017 Golaha deegaanka Garoowe oo haayada Care ku eedeeyay in ay musuq-maasuqday mashruuca dhiraynta magaalada
October 8, 2016 Puntland oo ku dhawaaqday liiska u tartamayaasha aqalka sare ee dowlada federaalka Soomaaliya
Be the first to comment