“Haddii ay gantaal ku soo ridaan Mareykanka, taasi waxay hurin doontaa dagaal deg deg ah,” ayuu Mattis u sheegay wariyeyaasha, isaga oo ku sii daray haddii Waqooyiga Kuuriya ay raacaan tilaabo milatari, Maraykanku wuxuu isku dayi doonaa in uu toogto gantaal kasta oo loogu talagalay midkood Guam ama dhul weynaha Mareykanka.
Xoghayaha Difaaca ayaa sheegay in Mareykanku uu wakhti yar ku qiimayn doono hadii ay ahaato mid gantaal ah oo laga soo tuuray Waqooyiga Kuuriya iyo in ay ka qaadi doonaan xaaladdaas.
Mattis ayaa carabka ku adkeeyay in aan hadalkiisa loo qaadan sida balanqaad dagaal, balse waxa uu sheegay in milatarigu ay dalkooda difaacayaan iyo naftooda kaasina uu yahay dagaal.
“Ma aad toogan kartid dadka jooga adduunkan haddii aadan u dulqaadan karin cawaaqibka ka dhalan kara,” ayuu yiri.
Asbuucii lasoo dhaafay, Madaxweynaha Mareykanka Donald Trump ayaa sidoo kale u goodiyay Waqooyiga Kuuriya hoggaamiyahooda Kim Jong-un isaga oo sheegay in uu la kulmi doono qoomameyn haddii uu sii wado khatargelinta Mareykanka iyo xulufadiisa.
Dhankeeda, Waqooyiga Kuuriya ayaa ku goodisay in ay gantaalo ku garaaci doonto jasiiradda Guam taasoo kululaysay hadalada ay is dhaafsanayaan Mareykanka iyo Waqooyiga Kuuriya.
Wakaalada wararka Waqooyiga Kuuriya ayaa ku warantay in ciidamada Waqooyiga Kuuriya ay soo gunaanadi doonaaan qorshahooda ah in ay gantaal ku dhuftaan Guam kahor bartamaha bishaan Agoosto.
Related Posts
March 24, 2021 Madaxweynaha Jubbaland oo xilka ka qaaday wasiirkiisii amniga Cabdirashiid Janan
July 21, 2020 Ciidanka Puntland iyo maleeshiyada ISIS oo isku dhac ku dhexmaray gobolka Bari
May 29, 2018 Ugu yaraan labo qof oo ku dhimatay weerarka dhiigyacabnimo oo ay Somaliland kala hortagtay shacabka Laascaanood
August 24, 2018 Puntland President appoints intelligence chief without announcement: Sources
Be the first to comment