Garoowe-(Puntland Mirror) Xubnaha Puntland ku metela aqalka hoose iyo aqalka sare ee Dowladda Federaalka Soomaaliya ayaa maanta oo Axad ah soo saaray war-saxaafadeed ay golaha baarlamaanka Puntland ugu jeediyeen in ay joojiyaan wax ka bedelka dastuurka.
Xubnaha ayaa sidoo kale sheegay in xukuumada hadda jirta aysan wakhti ay ku qaban karto doorasho hal qof iyo hal cod, sidaas awgeed doorashooyinka 2024 lagu galo hanaankii hore ee xildhibaanada ay soo xuli jireen odayaasha dhaqanka.
Sidoo kale waxay soo jeediyeen il la qabto doorashada goleyaasha deegaanka ee saddexda degmo ee gobolka Nugaal, kuwaasoo aan weli la qaban tan iyo 25-kii May oo gobolada kale ee Puntland laga qabtay.
Waxay intaas ku dareen in soo-jeedintooda ay ku salaysantahay kadib la tashi ay la sameeyeen qeybaha kala duwan ee bulshada Puntland.
Related Posts
November 29, 2016 Roadside bomb kills at least two Puntland soldiers in Galgala Mountains
June 16, 2018 Ethiopian Prime Minister arrives in Mogadishu for first time
May 13, 2018 Madaxweyne Farmaajo oo u safray Qatar
June 2, 2018 Ugu yaraan shan askari oo katirsan Puntland oo ku dhimatay weerar lagu qaaday saldhig ciidan oo kuyaala Buuraha Galgala
