Muqdisho-(Puntland Mirror) Wasiirka arrimaha dibada ee dowlada federaalka Soomaaliya Cabdisalaam Cumar Hadliye ayaa sheegay in shir-weynaha madaxda urur goboleedka IGAD uu beri oo Talaado ah ka furmi doono magaalada Muqdisho ee caasimada Soomaaliya.
“Shirka IGAD beri ayuu ka dhacayaa Muqdisho sida la qorsheeyay,” sidaa ayuu u sheegay saxaafada Hadliye.
Dhanka kale, amaanka Muqdisho ayaa aad loo adkeeyay iyadoo wadooyinka waa-weyn xiranyihiin muddo shan beri ah. Waxaana la dhigay wadooyinka waa-weyn ciidamo badan oo aad u hubaysan, kuwaasoo xiray ganacsiga kuyaala wadooyinkaas.
Wasiirka arrimaha dibada Soomaaliya ayaa sheegay in ay fursad weyn u yahay Soomaaliya in ay martigeliso shir sidaan oo kale ah sababtoo ah dalka ma martigelin shir caalami ah oo heerkaas gaar-siisan tan iyo sanadkii 1974, wakhtigaas oo Muqdisho ay martigelisay shir madaxeedkii Midowga Afrika.
Urur goboleedka IGAD ayaa ka kooban Soomaaliya, Kenya, Suudaan, Koonfurta Suudaan, Itoobiya, Uganda, Eriteeriya iyo Jabuuti.
Related Posts
October 8, 2016 Xasan Shiikh Maxamuud oo sheegay in doorashada dalka wakhtiga loogu talogalay ay ku dhici doonto
August 15, 2020 Wasiir Dowlihii Madaxtooyada Puntland oo u geeriyooday coronavirus
August 5, 2018 Duqa kumeelgaarka ah ee magaalada Garoowe oo aan u tartameyn doorashada soo socota ee dowladda hoose
March 15, 2017 Puntland oo ciidamada badda u dirtay xeebaha gobolka Bari si ay u sii daayaan markab ganacsi oo ay afduubteen burcadbadeeda Soomaaliya
Be the first to comment