![Ugu yaraan 32 qof oo ku dhintay diyaarad xamuul oo Turkigu lahaa oo ku burburtay gudaha dalka Kyrgyzstan. [Sawirka: Anadolu]](https://puntlandmirror.net/wp-content/uploads/2017/01/thumbs_b_c_36c474e52e9cb263d839e1b39d55f443.jpg)
Diyaarada oo nooceedu ahaa Boeing 747 TC-MCL oo laga lahaa dalka Turkiga ayaa kasoo duushay Hong Kong waxayna u socotay Bishkek.
Cimilada oo xumayd ayaa keentay burburka diyaarada, sida uu sheegay raysulwasaare ku xigeenka dalka Kyrgyzstan oo ah dal yar oo buuralay ah oo kuyaala bartamaha qaarada Aasiya.
Diyaarada ayaa ku dhacday guryo la daganyahay sida ay sheegeen saraakiisha Kyrgyzstan.
Muuqaalada shilka diyaarada ayaa muujinaya qiiq ka baxaya burburka diyaarada oo burburshay dhismayaaal.
![Ugu yaraan 15 guri ayaa ku baaba’ay kadib markii burburka diyaarada ay ku habsatay. [Sawirka: Reuters]](https://puntlandmirror.net/wp-content/uploads/2017/01/93581853_mediaitem93581850.jpg)
Qof goobjooge ah oo la hadlay wakaalada wararka AFP ayaa yiri: “Diyaaradu waxay ku dul dhacday guryo. Waxayna dishay qoysas badan. Intooda badan dadku waa ay hurdeen.”
Wasaaradda caafimaadka ee dalka Kyrgyzstan ayaa sheegtay in dadkii ku dhaawacmay shilkaas lagu dabiibayo isbitaalada sidoo kale waxaa socda baaritaanka samatabixinta, waxaa laga yaabaa in tirada dhimashadu ay korodho.
Related Posts
June 4, 2016 Xiriirka kubadda Koleyga Aduunka oo Soomaaliya usoo diray khabiir kormeeraya heerka ay mareeyso kubadda Koleyga dalku
February 8, 2017 At least four people killed after unknown gunmen attack hotel in Bosaso
August 17, 2017 Madaxweynaha Puntland oo afhayeenkiisa u magacaabay wasiir dowlaha cusub ee madaxtooyada iyo xiriirka golayaasha
April 10, 2019 Madaxweynaha Puntland oo kulan la yeeshay masuuliyiin sare oo katirsan Rukta Ganacsiga Abu Dhabi
