Muqdisho-(Puntland Mirror) Ugu yaraan 15 qof ayaa ku dhimatay dagaalo ku dhexmaray gobolka Bay ciidamada dowlada federaalka Soomaaliya oo taageero ka helaya kuwa AMISOM iyo maleeshiyada Al-Shabaab.
Wasiirka dhaqancelinta maleeshiyaadka ee maamul goboleedka Koonfur Galbeed, Xuseen Xasan Maxamed oo la hadlay saxaafada ayaa sheegay in saraakiil sare oo Al-Shabaab ah ay ku dileen dagaalada dhexamaray ciidamada dowlada iyo maleeshiyada.
Dhanka kale, maleeshiyada Al-Shabaab ayaa dagaalka guulo ka sheegatay sida uu sheegay nin lagu magacaabo Cabdulaahi Macalin Geedow oo Al-Shabaab u qaabilsan gobolka Bay, Geedow ayaa sheegay in ay dagaalka ku dileen ciidamo badan oo dowlada ah.
Marka laga tago sheegashada labada dhan, dadka deegaanka ayaa warsidaha Puntland Mirror u sheegay in dagaalkaas oo ilaa shalay oo Talaado ah socday ay ku dhinteen ugu yaraan 15 qof oo katirsan dhinacyada dagaalamayay.
Ciidamada dowlada federaalka Soomaaliya oo taageero ka helaya kuwa AMISOM ayaa howlgalo ka dhan ah Al-Shabaab ka waday gobolada Koonfurta Soomaaliya sanadadii lasoo dhaafay.
Related Posts
July 5, 2017 Meeting between Somali Federal Government and Federal Member States opened in Mogadishu
May 13, 2023 Ku milanka ganacsiga haayadaha amniga Puntland ee dalalka shisheeye ay taageraan
August 22, 2017 Kufsiyo ka dhacay xerada barakacayaasha Shabeelle oo kutaala magaalada Garoowe
December 29, 2016 Madasha Hoggaanka Qaran oo dib u dhigay fulinta doorashada 18-ka xubnood oo ay dhawaan ku kordhiyeen aqalka sare
Be the first to comment