Muqdisho-(Puntland Mirror) Ugu yaraan 10 qof ayaa ku dhimatay weerar koox hubaysan oo Al-Shabaab katirsan ay xalay oo Khamiis ahayd ku qaadeen makhaayad kutaala xeebta Liido ee caasimada Soomaaliya, Muqdisho.
Weerarka ayaa ku bilaabmay kadib markii gaari biimaysan ay kooxda weeraraka qaaday ku dhufteen albaabka hore ee makhaayada oo la dhaho Banaadir, kadibna waxaa daba socday niman qoryo wata oo ilaa saddex ah, sida ay sheegeen ciidamada booliiska.
Intii uu socday howlgalka ayaa ciidamada amaanka toogteen labo kamid ah nimanka weerarka soo qaaday.
Kooxda hubaysan ee Al-Shabaab ayaa sheegatay masuuliyada weerarkaas, sida afhayeenka howlgalada Al-Shabaab, Cabdicasiis Abu Muscab uu u sheegay wakaalada wararka Reuters.
Ku dhawaan 15 qof oo kale ayaa ku dhaawacmay weerarka.
Al-Shabaab ayaa horey weerar kan lamid ugu qaaday xeebta Liido oo ah meel ay dhalinyaradu u tagaan dalxiis.
Related Posts
October 10, 2017 Puntland Security Forces launches operation against Al-Shabab in Galgala hills, claims to have killed fighters
December 12, 2023 Madaxweynaha Puntland oo magacaabay guddiga khilaafaadka ee xulista baarlamaanka
October 12, 2022 Dagaal culus oo ciidanka dowladda iyo maleeshiyada Al-Shabaab ku dhexmaray gobolka Hiiraan
April 9, 2018 Puntland oo duq cusub u magacowday magaalada Laascaanood
