Muqdisho-(Puntland Mirror) Wadanka Soomaaliya ayaa u dabaaldagaya munaasabada 56-aad ee madaxbanaanida dalka.
Xuska 1-da Luulyo oo ah maalintii ay gobolada Soomaaliyeed ee koonfurta ka qaateen xornimadooda Talyaaniga ahna maalinta ay midoobeen waqooyi iyo koonfur ayaa laga xusay gudaha dalka iyo dibadaba.
Gudaha Muqdisho munaasabad weyn ayaa xalay lagu qabtay xarunta dowlada hoose ee magaalada, waxaana kasoo qaybgalay munaasabada Madaxweynaha dowlada federaalka Soomaaliya Xasan Shiikh Maxamuud iyo saraakiil sare oo dowlada ah.
Madaxweyne Xasan ayaa dhamaan ummada Soomaaliyeed ugu hambalyeeyay munaasabada kowda Luulyo, isagoo sheegay in xukumadiisa ay ka shaqayn doonto midnimada ummada Soomaaliyeed.
Dhanka kale, gobolada kala duwan ee dalka iyo Soomaalida kunool dibada ayaa xusay munaasabada kowda Luulyo.
Soomaaliya ayaa xornimadeeda ka qaadatay wadamadii gumaysiga ahaa ee Ingiriiska iyo Talyaaniga sanadkii 1960-kii.
Kadib burburkii xukuumadii gacaanka ahayd ee gelikiis taliye Maxamed Siyaad Bare Soomaaliya ayaan helin maamul rasmiya oo dowladeed.
Dowlada uu caalamka dabada ka riixayo ee Soomaaliya ayaa isku dayaysa sidii loo soo celin lahaa haayadihii dowlada ee wadanka kuyaala Geeska Afrika.
Related Posts
July 4, 2016 Puntland oo fasaxday idaacada daljir kadib cafis madaxweyne
January 9, 2017 Puntland President expected to visit Qandala coastal town
November 25, 2019 Qeybo kamid ah gobolka Gaardafuu oo wajahaya go’doon kadib roobab mahiigaan ah oo gooyay waddooyinka
October 10, 2016 Car bomb kills at least one person in Mogadishu
Be the first to comment