Saddex qof oo ku dhaawacmay diyaarad ku burburtay Beledweyne

Ma jirto cid ku dhimatay balse waxaa jira ilaa saddex qof oo ku dhaawacmay, sida ay sheegeen masuuliyiinta garoonka.

Diyaarada oo ka soo duushay dalka Jabuuti ayaa raashin u siday ciidanka Jabuuti ee qeybta ka ah Howlgalka Midowga Afrika ee Soomaaliya (AMISOM). Gebi ahaan raashinkii ayaa gubtay.

Cilada keentay burburka diyaaradda si rasmi ah looma sheegin, balse wararka hordhaca ah ayaa sheegaya in cilad katimid taayirada markii ay soo cago-dhigatay uu sababay in diyaaraddu ay ka baxdo dhabaha.