Istanbul-(Puntland Mirror) Ugu yaraan 11 booliis ah ayaa lagu dilay 70 kalena waa ay ku dhaawacmeen kadib markii weerar loo adeegsaday gaari lagu qaaday xarun booliis oo kutaala magaalada Cizre ee koonfur-bari dalka Turkiga, sida ay sheegeen saraakiisha.
Gaariga qaraxa waday ayaa ku qarxay kantarool kuyaala banaanka hore ee xarunta booliiska maanta oo Jimce ah kadib markii dadka weerarka soo qaaday ay ku fashilmeen in ay ka gudbaan wardiyaashii joogay halkaas, qaraxa ayaa waxaa daba socday dagaal dhexmaray kooxda weerarka qaaday iyo ciidamada booliiska.
Xisbiga shaqaaalaha Kurdiyiinta ee PKK oo dalka Turkiga laga mamnuucay ayaa sheegtay masuuliyada weerarkaas in ay iyagu ka dambeeyaan.
Weerarka ka dhacay magaalada Cizre ayaa imaanaya labo maalmood kadib markii ciidamada Turkiga ay weerar cir iyo dhul ah ku qaadeen dariskooda dalka Suuriya, weerarkaas oo ay saraakiisha dowlada Turkiga sheegeen in lagu bartilmaameedsanayo kooxda ISIS iyo dagaalyahanada Kurdiyiinta.
Magaalada Cizre oo weerarka ka dhacay ayaa kutaala gobolka Sirnak ee dalka Turkiga oo xuduud la leh wadamada Suuriya iyo Ciraaq.
In ka badan 40,000 oo qof ayaa ku dhimatay tan iyo markii falaagada PKK ay hubka qaateen sanadkii 1984.
Related Posts
September 21, 2016 Sarkaal katirsan haayada nabadsugida DFS oo ku dhintay qarax gaari oo ka dhacay Muqdisho
August 16, 2016 Madaxweynaha DFS Xasan Shiikh Maxamuud oo qurbajoogta Soomaalida ku amaanay kaalintooda horumarineed ee dalka
July 25, 2017 Madaxweynaha dowladda federaalka Soomaaliya oo waraaqaha aqoonsiga ka guddoomay danjiraha cusub ee Faransiiska u qaabilsan Soomaaliya
July 7, 2018 Ugu yaraan 10 qof oo ku dhimatay qarax ay Al-Shabaab ka geysaty Muqdisho
Be the first to comment