Asbuucyadii dhawaa ee lasoo dhaafay, ciidamo aad u hubeysan ayaa gaaray deegaanka Tukaraq ee gobolka Sool si ay u xoojiyaan ciidamo katirsan Puntland oo halkaas joogay, ilo-wareedyo katirsan dowladda Puntland oo codsaday in aan magacooda la sheegin ayaa u xaqiijiyay warsidaha Puntland Mirror.
Maanta oo Talaado ah, ciidamo aad u hubeysan oo katirsan qeybta ciidamada Puntland ee gobolka Karkaar ayaa gaaray Tukaraq.
Isaga oo ka hadlayay munaasabadii salaada Ciidul Fidriga ee magaalada Garoowe, Madaxweynaha Puntland Cabdiweli Maxamed Cali ayaa sheegay in Puntland ay diyaar u tahay xoreynta gobolka Sool.
Ciidamada Puntland iyo Soamliland ayaa bishii lasoo dhaafay ee May labo jeer ku dagaalamay deegaanka Tukaraq ee gobolka Sool, waxaana dagaaladaas ka dhashay khasaare balaraan.
Ciidamada labada dhinac ayaa isku horfadhiyay deegaanka Tukaraq tan iyo markii ciidamo hubeysan oo ka socda Somaliland ay bishii Janaayo ee sanadkan la wareegeen Tukaraq, oo qiyaastii 80 km dhanka waqooyiga ka xigta Garoowe, caasimada Puntland.
Xaalada Tukaraq ayaa asbuucyadii lasoo dhaafay deganayd, balse dagaalka ayaa ka qarxi kara wakhti kasta.
Related Posts
October 14, 2018 Midowga Yurub iyo Soomaaliya oo saxiixday heshiis €100 million oo taageero miisaaniyadeed ah
August 30, 2016 Sarkaal sare oo Al-Shabaab ah oo isku soo dhiibay gacanta dowlada federaalka Soomaaliya
October 3, 2017 Madaxweyne ku xigeenka Puntland oo dhaliilay shirka Kismaayo ee maamul goboleedyada
July 4, 2018 Dagaal xoogan oo u dhaxeeya maleeshiyada Al-Shabaab iyo dadka deegaanka oo ka dhacay gobolka Mudug
