Kadib markii ay la wareegeen taleefishinka dowladda, afhayeen u hadlay ciidamada ayaa iclaamiyay in ay bartilmaameedsanayaan dad ku dhow Mugabe kuwaasoo lagu eedeeyay tabashooyinka dadweyne iyo mida dhaqaale ee dalkaas ka jirta.
“Waxaanu keliya beegsanaynaa dambiilayaasha ku hareeraysan isaga kuwaasoo dambiyo galay, oo sababay dhibaatada dadweyne iyo mida dhaqaale ee ka jirta dalka,” ayuu yiri afhayeenku.
“Sida ugu dhakhsaha badan waxaanu soo afjaraynaa howlgalkayaga, waxaanu filaynaa in xaaladu ay ku soo noqoto si caadi ah.” Ayuu ku sii daray.
Tilaabada ayaa timid kadib markii Mugabe uu ceyriyay ku xigeenkiisii Emmerson Mnangagwa isaga oo doorbiday xaaskiisa, Grace.
Rasaas culus iyo madaafiic ayaa laga maqlay qaybaha waqooyi ee caasimada Harare subaxnimadii hore ee Arbacada.
Bayaanka uu Janaraalku ka akhriyay TV ayuu ku diiday in uu yahay afgembi. Ma ay jiraan wax hadal ah oo deg deg ah oo kasoo madaxweynaha.
Mugabe oo 93-sanno jir ah, ayaa awooda dalka haystay tan iyo markii ay xornimadooda ka qaateen UK.
Related Posts
November 24, 2021 Madaxweynaha Puntland oo Aamiin Xaaji Khayr u magacaabay agaasimaha cusub ee PSF
September 6, 2017 Wadahadalada nabada Mudug ee u dhaxeeya Puntland iyo Galmudug oo ka furmay magaalada Gaalkacyo
November 13, 2017 Puntland’s PSF forces continue clean-up operation against ISIS militants in Bari region
January 15, 2018 Haayada Xuquuqul Insaanka oo sheegtay in Al-Shabaab ay xoog askar ahaan ugu qoranayaan caruurta
Be the first to comment