![Diyaarad ay leeyihiin Faransiiska oo dul heehaabaysa dooni looga shakiyay burcad-badeed. [Sawirka: AFP]](https://puntlandmirror.net/wp-content/uploads/2016/11/French-helicopter-hovering-over-suspected-piracy-boat.jpg)
NATO ayaa sheegtay asbuucii hore in ay dhammaysay howlgalkeedii Geeska Afrika iyaga oo u wareegay Badda Madow si ay uga hortagaan Ruushka iyo badda Mediterranean oo ay kusoo badanayaan dadka muhaajiriinta ah ee halkaas ka gudbaya.
Laakiin Midowga Yurub ayaa sheegay in ay kordhiyeen howlgalka EUNAVFOR ilaa iyo dabayaaqada sanadka 2018-ka.
Howlgalka oo ku ekaa dhammaadka 2016-ka, ayaa waxaa sida caadiga ah ka shaqeeya 1,200 qof, afar ilaa iyo lix Markab oo dagaal iyo saddex diyaaradood oo ay ku deeqeen dowladaha Midowga Yurub.
In ka badan 40 boqolkiiba maraakiibta qaada shidaalka iyo maraakiibta wada badeecada ee isaga kala goosha qaaradaha Aasiya iyo Yurub ayaa mara Gacanka Cadmeed iyo Badda Carabta.
Xeebaha Soomaaliya lagama sheegin wax weerar oo weyn oo lagu qaaday maraakiibta waa-weyn tan iyo 2012-kii, taasoo ay mahadeeda leeyihiin ciidamada la dagaalanka burcad-badeeda ajnabiga ah ee jooga xeebaha Soomaaliya iyo ciidamada badda Puntland oo kaalin weyn ka geystay burcadii ka howlgali jirtay gacanka cadmeed oo ay kala dirireen dhanka beriga.
Inkastoo ilaa 2012-kii aan la diiwaangelin wax weerar ah oo ay burcad-badeeda u geysteen maraakiibta xamuulka ah, haddana waxaa jira dhowr weerar oo ay la beegsadeen doomo kalluumaysi iyadoo hadda ay madaxfurasho u haystaan 10 Iraaniyiin ah oo ay qabsadeen 2015-kii.
Related Posts
January 7, 2019 Musharixiinta Puntland oo balanqaadkooda u jeedinaya baarlamaanka
January 11, 2020 162 dambi oo dil ah oo ka dhacay gudaha Puntland sanadkii 2019
February 16, 2017 Care International’s office in Garowe accused in corruption case
June 5, 2016 Int’l community welcomes decisions of National Leadership Forum on electoral process
Be the first to comment