Masuul katirsan Wasaaradda Gargaarka iyo Maareynta Musiibooyinka Soomaaliya oo eedaymo musuqmaasuq loogu xiray Muqdisho

Agaasimaha waaxda dib-u-dejinta, Daahir Maxamed Nuur, ayaa loo heystaa in uu xaday lacag dhan $84,000 dollar, sida ay sheegtay Radio Muqdisho.

Dowladda hadda jirta ee Madaxweyne Maxamed Cabdullaahi Farmaajo ayaa xilligii ololaha balanqaaday in ay la dagaalami doonto musuqmaasuqa, oo Soomaaliya sanadihii u dambeeyay geliyay wadanka kowaad ee adduunka, sida lagu sheegay qiimeyn sanadeedka haayada Transparency International.