Taliska Mareykanka ee Afrika ayaa bayaan ku sheegay in duqayntu shalay oo Talaado ahayd ay ka dhacday deegaan dhanka waqooyi-galbeed 210 km uga beegan caasimada Muqdisho.
Duqaynta ayaa dhacday iyadoo lala kaashanayo dowladda federaalka Soomaaliya, sida Mareykanku sheegay.
Wakaalada Wararka Soomaaliya ee SONNA ayaa shalay oo Talaado ahayd ku warantay in ku dhawaad 100 maleeshiyo oo Al-Shabaab katirsan la dilay kadib markii diyaaradaha Mareykanka iyo ciidamada kumaandooska Soomaaliya ay weerareen saldhigyo ay Al-Shabaab ku lahayd deegaanka Buur Eelaay ee gobolka Baay.
Afhayeenka howlgalada ciidamada Al-Shabaab Cabdicasiis Abu Muscab ayaa wakaalada wararka Reuters u sheegay in warkaas uu yahay dacaayad keliya.
Bilihii u dambeeyay, Mareykanka ayaa kordhiyay weeraradiisa duqaynta ah ee ka dhanka ah maleeshiyada Al-Shabaab ee ku sugan gudaha Soomaaliya, waxaana ku dhintay tobonaan dagaalyahan oo ay ku jiraan saraakiil.
Related Posts
April 20, 2017 Madaxweynaha Turkiga Recep Tayyip Erdogan iyo Madaxweynaha Mareykanka Donald Trump oo bisha soo socota kulmi doona
September 28, 2016 Puntland security forces kill at least 20 suspected Al-Shabab in Mudug region
April 1, 2017 Ugu yaraan 92 qof oo ku geeriyooday roobab daad wata oo ka da’ay dalka Columbia
July 28, 2018 Former Puntland’s military police chief of Mudug region shot dead in Galkayo
Be the first to comment