Staff Sgt. Alexander W. Conrad ayaa ahaa 26-sanno jir ka soo jeeda gobolka Arizona ee dalka Mareykanka.
Askariga ayaa u geeriyooday dhaawac kasoo gaaray weerar, sida ay bayaan ku sheegeen Waaxda Difaaca Mareykanka.
Afar askari oo Mareykan ah ayaa sidoo kale lagu dhaawacay kadib markii uu dagaal ku qabsaday gudaha Soomaaliya xilli lagu jiray weerar ka dhan ah maleeshiyada Al-Shabaab.
Weerarka ayaa ka dhacay tuulada Sanguuni oo qiyaastii 50 km dhanka waqooyiga ka xigta magaalo xeebeedka Kismaayo Jimcadii, sida ay sheegeen dadka deegaanku.
Conrad ayaa ciidamada Mareykanka ku biiray bishii June ee sanadkii 2010-kii waxaana uu soo qaatay tababaro kala duwan, sida lagu sheegay bayaanka.
Conrad ayaa labo jeer kasoo shaqeeyay dalka Afghanistan muddadii u dhaxeysay 2012-kii ilaa 2014-kii.
Dhimashadiisa ayaa noqoneysa tii kowaad oo ciidamada Mareykanka ku timaada gudaha Afrika tan iyo markii afar askari oo Mareykan ah lagu dilay weerar gaadmo ah oo ka dhacay dalka Niger bishii October ee sanadkii lasoo dhaafay.
Madaxweyne Donald Trump ayaa ka tacsiyeeyay dhimashada soo gaartay askariga.
My thoughts and prayers are with the families of our serviceman who was killed and his fellow servicemen who were wounded in Somalia. They are truly all HEROES.
— Donald J. Trump (@realDonaldTrump) June 9, 2018
“Waxaan dareenkayga iyo ducadayda la wadaagayaa qoysaska adeegaheena kaasoo la dilay iyo saaxiibadiisa ku dhaawacmay gudaha Soomaaliya,”Dhammaantooda run ahaantii waa geesiyaal,” Trump ayaa sidaa ku biri boggisaa Twitter-ka.
Related Posts
February 11, 2020 Labo kamid ah saddex nin oo lagu helay kufsi iyo dilka gabar 12-sanno jir ahayd oo la toogtay
November 15, 2016 Madaxweynaha Puntland oo kulan la qaatay guddiga ay dowladda u wakiilatay wadahadalada colaada Gaalkacyo
August 2, 2017 At least 10 wounded in car bomb explosion in Kismayo town
August 5, 2019 Maxkamada ciidamada Soomaaliya oo dil toogasho ah ku fulisay labo xubnood oo katirsan Al-Shabaab
Be the first to comment