Washington-(Puntland Mirror) Maraykanka ayaa sheegay inuu 15 maxaabiis ah oo ku jiray xabsiga Guantanamo Bay uu u diray dalka Isutaga Imaaraatka Carabta, taasoo noqonaysa maxaabiistii ugu badnayd oo hal mar la wareejiyo intii uu xafiiska hayay Madaxweyne Barrack Obama.
Waaxda difaaca Maraykanka ee (Pentagon) ayaa sheegtay in 12 maxaabiis ah oo u dhashay Yemen iyo saddex u dhashay Afghanistan la wareejiyay.
Maxaabiista la wareejiyay ayaa xirnaa ku dhawaad 14-sanno iyagoo aan la maxkamadayn.
Madaxweyne Obama ayaa doonaya inuu xiro xabsiga kahor inta uusan xafiiska ka tagin.
Aqalka Cad ayaa doonaya in maxaabiista inta harsan loo wareejiyo Maraykanka, laakiin waxaa diiday congress-ka.
Madaxweyne Obama ayaa aaminsan in xabsiga Guantanamo Bay uu qayb ka yahay abuurmida kooxaha jihaadiyiinta ah uuna abuuray nacayb weyn oo Maraykanka loo qabo.
Bishii lasoo dhaafay ee April maxaabiis u dhashay Yemen oo ku jiray xabsiga ayaa loo wareejiyay dalka Sucuudiga.
Xabsiga Guantanamo Bay ayaa ku yaala saldhiga ciidamada Maraykanka uu ku leeyahay koonfur-bari ee Cuba.
Madaxweynihii hore ee Maraykanka George W Bush ayaa furay xabsiga bishii Janaayo ee 2002, si loogu hayo ajaaniibta looga shaki qabo argagixisada, kadib weerarkii 11-kii September, 2001 lagu qaaday Maraykanka.
Related Posts
August 22, 2016 Madaxweyne ku xigeenka dowlada Puntland oo tagay Gaalkacyo
August 17, 2024 UN takes key steps toward Somalia’s takeover of its own security
June 23, 2017 Mareykanka oo dhawaan xarun diblomaasiyadeed oo joogto ah ku yeelan doona gudaha Soomaaliya
April 19, 2017 We have 200 goats before the drought only one male goat remain, pastoralist says
Be the first to comment