![Madaxweynaha dalka Ruushka Vladimir Putin. [Sawirka: Al Jazeera]](https://puntlandmirror.net/wp-content/uploads/2016/12/Putin-1.jpg)
Si kastoo ay ahaataba, Putin ayaa sheegay in uu u arko tilaabada Mareykanka ay ku ceyrinayaan diblomaasiyiin Ruush ah ay daciifin karto xiriirka u dhaxeeya labada dal, sida ay ku warantay wakaalada wararka Ruushka ee RIA.
“Dhibaatooyin ku abuuri meyno diblomaasiyiinta Mareykanka ah. Cidna ceyrin meyno,” Putin ayaa sidaa bayaan ku yiri, isaga oo intaas ku daray in uu tixgelinayo ficilada Madaxweynaha-ladoortay ee Donald Trump, kasoo xafiiska qaban doona bisha soo socota.
Hadalka Madaxweyne Putin ayaa imaanaya saacad kadib markii wasiirkiisa arrimaha dibada Sergey Lavrov uu ka codsaday in 35 diblomaasi oo Mareykan ah laga saaro gudaha Ruushka.
Dhanka kale, Khamiistii shalay ayay ahayd, markii Mareykanku uu sheegay in uu dalkiisa ka saarayo 35 diblomaasi oo Ruush ah.
Xukuumada Madaxweynaha wakhtigiisu sii dhammaanayo Barrack Obama ee Mareykanka ayaa ku eedeeyay Ruushka in uu faragelin ku sameeyay doorashadii dhacday bishii November, 2016-ka.
In badan oo kamid ah xisbiga Dimuqraadiga ee Madaxweyne Barrack Obama ayaa aaminsan in weerar dhanka hawada ah oo Ruushku u geysteen codadka doorashada ay waxyeelaysay Hillary Clinton fursadihii ay ku guulaysan lahayd doorashadaaas oo uu uga guuleystay Donald Trump.
Related Posts
November 2, 2016 Niman baastoolad ku hubaysnaa oo nabadoon ku dilay Muqdisho oo la qabtay
February 21, 2017 Maleeshiyada Al-Shabaab oo ciidamada Galmudug kala wareegay magaalada Camaara ee gobolka Mudug
December 31, 2019 Xubnaha aqalka hoose iyo aqalka sare ee Soomaaliya oo si wadajir ah u ansixiyay miisaaniyada 2020
December 18, 2023 Wasiirka arrimaha dibada Soomaaliya oo isku casilay musharraxnimada madaxtinimada Puntland
