Garoowe-(Puntland Mirror) Madaxweynaha dowlada Puntland Cabdiweli Maxamed Cali ayaa magacaabay guddoomiyaha maxkamada sare ee dowlada Puntland.
Madaxweynaha ayaa u magacaabay Yuusuf Xaaji Nuur guddoomiyaha cusub ee maxkamada sare ee dowlada Puntland, sida ku qoran digreeto kasoo baxday madaxtooyada Puntland oo warsidaha Puntland Mirror uu arkay.
Yuusuf Xaaji Nuur ayaa ah garsoore Soomaaliyeed oo xirfadle ah. Wuxuu dib ugu noqonayaa xilkiisii uu hayay sanadkii 2001, markaasoo gobolka uu wajahay colaad sokeeye oo u dhaxaysay madaxweynihii hore Cabdulaahi Yuusuf Axmed iyo kooxo mucaarad ahaa.
Bishii July kowdeedii ee sanadkii 2001-dii, ayaa Yuusuf Xaaji Nuur wuxuu iclaamiyay inuu yahay madaxweynaha kumeel gaarka ah ee Puntland kadib markii uu dhamaaday wakhtigii Madaxweyne Yuusuf. Laakiin si kastoo ay ahaataba, Cabdulaahi Yuusuf waa uu diiday iclaamintii Yuusuf Xaaji, wuxuuna ku adkaystay inuu isagu yahay madaxweynaha saxda ah, taasoo gobolada Puntland u horseeday labo sanno oo dagaalo sokeeye ah.
Madaxweyne Cabdiweli ayaa sidoo kale magacaabay afar xubnood oo katirsan maxkamada sare ee Puntland.
Related Posts
November 3, 2017 Diyaarado dagaal oo aan la aqoon cida leh oo duqeeyay saldhigyada ISIS ee gobolka Bari
May 12, 2021 Hal qof oo ku dhintay daadad ka dhashay roobab mahiigaan ah oo ka da’ay Puntland
August 2, 2018 Shirka asbuuclaha ee golaha wasiiradda Dowladda Federaalka Soomaaliya oo lagu qabtay magaalada Garoowe
February 16, 2018 Dajinta badeecada saaran doonida ku caariday xeebta Boosaaso oo bilaabmatay
Be the first to comment