Muqdisho-(Puntland Mirror) Madaxweynaha dowlada Puntland Cabdiweli Maxamed Cali ayaa maanta oo Sabti ah magaalada Muqdisho kula kulmay safiirka dalka Turkiga u fadhiya Soomaaliya Olgan Bakar.
Kulanka ayaa ka dhacay xarunta safaarada Turkiga uu ku leeyahay caasimada Soomaaliya, Muqdisho.
Sida lagu sheegay bayaan kasoo baxay madaxtooyada Puntland, kulanka ayaa diirada lagu saaray arrimo la xiriira xaalada uu ku jiro dalka Soomaaliya iyo mashaariicda ay dowlada Turkiga ka fuliso dalka Soomaaliya.
Madaxweynaha iyo safiirka ayaa waxay si qoto dheer uga wadahadleen mashaariicda horumarineed ee Turkiga ka wado dalka Soomaaliya iyo sidii Puntland loo gaarsiin lahaa qaybteeda.
Turkiga ayaan wax mashaariic ah ka fulin deegaanaada Puntland tan iyo markii uu bilaabay sanadkii 2012-ka mashaariicda horumarineed ee uu Soomaaliya ka fuliyo.
Soomaaliya ayaa lagu tiriyaa wadanka saddexaad oo hela mashaariicda horumarineed ee Turkiga tan iyo 2012-kii.
Related Posts
February 20, 2018 Nabadoon Axmed Diiriye Cali oo geeriyooday
March 25, 2019 Saahid Mohamoud Ali elected as Galkayo Mayor
January 8, 2017 Tartanka kooxaha heerka kowaad ee kubada cagta Puntland oo Garoowe ka bilaabmay
September 13, 2016 Shir madaxeedkii IGAD oo Muqdisho lagu soo gabagabeeyay
