Cabdulaahi Cali Axmed oo ah guddoomiyaha deegaanka Lambar 50 ayaa warbaahinta dowladda ee Radio Muqdisho u sheegay in ciidamada dowladda ay dileen labo dagaalyahan oo katirsan Al-Shabaab kadib dagaal labo beri socday oo u dhaxeeyay labada dhinac.
Dagaalka ayaa bilaabmay kadib markii maleeshiyadu ay weerar ku qaadeen saldhig milatari oo ay lahaayeen ciidamada dowladda oo kuyaala deegaanka, sida guddoomiyahu sheegay.
Guddoomiyaha ayaa sidoo kale sheegay in maleeshiyadu ay weerar ku qaadeen tuulooyin badan oo kuyaala deegaanka ayna dileen dad badan oo shacab ah oo ay ka dhaceen xoolahoodii.
Ururka hubaysan ee Al-Shabaab ayaa muddo sannado ah u dagaalamayay sidii ay awooda uga tuuri lahaayeen dowladda federaalka Soomaaliya oo fadhigeedu yahay Muqdisho. Saddexdii sanno ee laga soo gudbay, Al-Shabaab ayaa lumisay deegaano badan oo ay ku xooganayd oo kuyaala koonfurta Soomaaliya, balse waxa ay kordhiyeen weerarada argagixiso ee gudaha caasimada Muqdisho.
Related Posts
September 20, 2017 Roobabkii Deyrta oo ka bilaabmay Puntland
February 18, 2017 Merkel: Islaamku maahan isha argagixisada
October 22, 2016 Fighting erupts again in Galkayo town of Mudug region
October 24, 2016 Madaxweynaha Puntland oo ku jeeda magaalo xeebeedka Boosaaso si uu u soo gabagabeeyo heshiiska guddoomiyihii hore ee gobolka Bari
Be the first to comment