Wasiirka arrimaha gudaha dowladda federaalka Soomaaliya Cabdi Maxamed Sabriye ayaa Jimcadii tagay magaalada Dhuusamareeb. Safarkiisa ayaa yimid kadib markii madaxweynaha Galmudug Axmed Ducaale Xaaf uu soo saaray go’aan uu ku sheegay in masuuliyiin ka socda dowladda federaalka Soomaaliya aysan imaan karin halkaas.
Ilo-wareedyada ayaa intaas ku daraya in wasiirka arrimaha gudaha uu rabo in uu ka dhaadhiciyo madaxda Galmudug gaar ahaan garabka Ahlu Sunna in doorashada madaxtinimada Galmudug ay dhawaan ka dhacdo Dhuusamareeb.
Asbuucii lasoo dhaafay, wasaaradda arrimaha gudaha ee dowladda federaalka Soomaaliya ayaa ugu baaqday madaxda maamulka Galmudug in doorashooyinka lagu qabto wakhtigooda.
Bayaanka ayaa intaas ku daray in muddada xil haynta madaxweynaha Galmudug ay ku egtahay 4-ta Luulyo ee sanadkan 2019.
Madaxweyne Xaaf ayaa kasoo horjeestay baaqa kasoo baxay dowladda federaalka Soomaaliya, waxaana uu ku tilmaamay sharci daro.
Related Posts
August 21, 2019 Wasiirka maaliyada Soomaaliya oo sheegay in kharashka daabacaada uu hortaaganyahay lacagta cusub ee dalka
June 25, 2016 Ciidamada haayada sirdoonka Soomaaliya oo fashiliyay qarax gaari
May 22, 2019 Wasiirkii hore ee arrimaha dibada Soomaaliya oo ku dhintay qarax gaari oo ka dhacay Muqdisho
March 4, 2017 Haayada caalamiga ah ee haajiraada IOM oo dalbatay $24.6 milyan si ay u quudiso boqolaal kamid ah dadka ay abaartu saamaysay ee gudaha Soomaaliya
