Ciidamadan goostay ayaa maamulka Somaliland u qaabilsanaa deegaano kuyaala gobolka Sanaag.
Saraakiisha hoggaaminayasa ciidanka goostay iyo taliyaha guud ee ciidamada maamulka Somaliland ayaa khilaaf weyn soo kala dhexgalay, taasoo sababtay goosashada, sida ilo-wareedku ay sheegeen.
Lama oga ilaa iyo hadda halka ay aadeen ciidanka goostay, oo wata gaadiidka dagaalka.
Arrintan ayaa imaanaysa iyada oo gobolka Sanaag asbuucyadii u dambeysay ay ka taagnayd xiisad u dhaxeysa Puntland iyo Somaliland.
Dhawaan, ciidamo katirsan maamulka Somaliland ayaa weerar gaadmo ah ku qaaday wefdi ka socda Puntland oo uu hoggaaminayay wasiirka waxbarashada. Ugu yaraan lix qof oo ka kala tirsan labada dhinac ayaa ku dhintay weerarkaas gaadmada ahaa oo ka dhacay deegaanka Damala-xagare ee gobolka Sanaag.
Hadda, magaalada Baran waxaa ku sugan masuuliyiin sare oo katirsan Puntland oo uu hoggaaminayo wasiirka amniga Cabdisamad Maxamed Galan.
Related Posts
February 18, 2017 Afhayeenkii hore ee maamulkii Ximin iyo Xeeb oo Muqdisho lagu dilay
January 12, 2020 Xilliga la fulinyo toogashada saddex nin oo lagu helay kufsi iyo dil gabar yar oo la shaaciyay
March 1, 2017 Baarlamaanka cusub ee Soomaaliya oo kalafadhigoodii 1-aad ku yeelan doona Muqdisho
March 30, 2019 Madaxweyne Deni oo gaaray Boosaaso, sheegayna in uu wax ka qaban doono nabadgelyada magaalada
