Boosaaso-(Puntand Mirror) Kornayl katirsanaa ciidamada Puntland sidoo kalena ahaa madaxa miino saarista ayaa maanta oo Talaado ah ku dhintay kadib markii miinada dhulka lagu aaso oo uu saarayay ay ku qaraxday, sida ay xaqiijiyeen masuuliyiin katirsan ciidanka Puntland.
Qaraxa ayaa ka dhacay waddo isku xirta magaalo xeebeedka Boosaaso iyo Buuraha Galgala.
Kornaylka dhintay ayaa la oran jiray Cusmaan Abshir Cumar.
“Waxaanu la soconay Kornaylka. Waxa uu istaajiyay gaariga, waana uu degtay waxaana uu bilaabay in uu bixiyo bumbada balse si deg deg ah bay u qaraxday waxayna goobta ku dishay isaga,” Cabdirisaaq Maxamed oo katirsan ciidamada Puntland, kaasoo kamid ah askartii la socotay sargaalka dhintay ayaa sidaa u sheegay wakaalada wararka Reuters.
Maleeshiyada Al-Shabaab ayaa sheegatay masuuliyada.
Afhayeenka howlgalada milatariga u qaabilsan Al-Shabaab Cabdicasiis Abu Muscab ayaa Reuters u sheegay in ay iyagu bartilmaameedsadeen sargaalka.
Related Posts
June 28, 2016 Deg Deg: Qaraxyo ka dhacay garoonka diyaaradaha Istanbul ee Turkiga
May 20, 2021 Madaxweynaha Jubbaland oo ku dhawaaqay golihiisa wasiiradda
August 22, 2016 Madaxweyne ku xigeenka Puntland oo booqday dadkii ku dhaawacmay qaraxyadii Gaalkacyo
December 16, 2018 Sideed dagaalyahan oo Al-Shabaab ah oo lagu dilay duqeyn Mareykanku uu ka fuliyay Shabeellaha Hoose
Be the first to comment