![Puntland Mirror ayaa ogsoon in madaxweynaha Soomaaliya ee hadda xafiiska jooga uu xiriir fiican la leeyahay Itoobiya.. [Sawirka: Archive]](https://puntlandmirror.net/wp-content/uploads/2017/02/hassan-iyo-hailemarim.jpg)
“Dariskeena Itoobiya waxay Muqdisho u soo direen diblomaasiyiin sare si ay gacan uga geystaan in Xasan Shiikh in dib loo soo doorto,” sidaa waxaa yiri, ilowareedka oo magacooda qariyay, arrintan oo xasaasi ah darted.
“M cadda sababta ay Itoobiya u taageersantahay Xasan Shiikh Maxamuud.” Ilo-wareedka ayaa intaas ku daray.
Sida ay ilo-wareedku sheegeen, diblomaasiyiinta ka socda Itoobiya ayaa magacyadooda la dhahaa, Reda Getachew, Dr. Metiku Arkebe iyo Solomon Sulu.
Puntland Mirror ayaa ogsoon in madaxweynaha Soomaaliya ee hadda xafiiska jooga uu xiriir fiican la leeyahay Itoobiya.
Arrinta ayaa imaanaysa saddex beri kadib markii Raysulwasaaraha Soomaaliya ahna musharax madaxweyne Cumar Cabdirashiid Cali Sharmaake uu dalalka deriska ah ku eedeeyay in ay farogelin ku hayaan doorashada madaxweynenimada dalka, balse ma uusan xusin dalalkaas.
Madaxweynaha hadda xafiiska jooga Xasan Shiikh Maxamuud iyo Raysulwasaaraha xaadirkan Cumar Cabdirashiid Cali Sharmaake ayaa kamid ah 23 musharax oo u tartamaya madaxweynaha.
Doorashada madaxweynaha Soomaaliya ayaa loo qorsheeyya 8-da Febaraayo in ay dhacdo.
Related Posts
December 10, 2019 Milatariga Mareykanka oo sheegay in dagaalyahan katirsan Al-Shabaab lagu dilay duqeyn ka dhacday gobolka Jubbada Dhexe
September 15, 2017 Juha in Jowhar to attend Hir-Shabelle’s presidential election
March 14, 2024 Soomaaliya oo xaqiijisay in 99% laga cafiyo deymihii ay ku lahaayeen xubnaha kooxda Paris Club
August 5, 2019 Maxkamada ciidamada Soomaaliya oo dil toogasho ah ku fulisay labo xubnood oo katirsan Al-Shabaab
Be the first to comment