Dagaalka ayaa Sabtidii ka dhacay deegaanka Bir Miirali oo u dhow magaalo xeebeedka Qandala ee gobolka Bari.
ISIS ayaa sheegtay in dagaalka ay ku dileen 14 xubnood oo Al-Shabaab katirsanaa.
“Shalay, ciidamada khaliifada ayaa si weyn dusha uga maray koox katirsan ururka Al-Qaacida ee Soomaaliya meel u dhow deegaanka Bir Miirali oo koonfur galbeed kaga beegan magaalada Qandala, halkaas oo ay isku diyaarinayeen in ay weerar ku qaadaan saldhiga dowladda Islaamiga ah,” sidaa ayaa lagu yiri bayaanka lagu daabacay wakaalada wararka Amaq. Iyada oo intaas ku dartay: “14 kamid ahaa kooxda Al-Shabaab ayaa la dilay kuwo kalena waa la dhaawacay hubkoodii iyo qalabkoodiina waa la qabtay.
Marka laga tago sheegashada ISIS ma jiraan ilo madax-banaan oo si rasmi ah u xaqiijin kara dagaalkaas iyo khasaaraha ka dhashay.
Waa markii labaad oo ay dagaalamaan labada maleeshiyo tan iyo markii sanadkii 2015 koox yar oo horey uga tirsaneyd Al-Shabaab oo uu hoggaaminayay Cabdulqaadir Muumin iclaamiyeen in ay ku biireen ururka ISIS sidoo kale loo yaqaan Daacish.
Related Posts
February 16, 2019 Gole Wasiiro oo Cusub, Welise Wax Isbedel ahi ma Muuqdo
November 4, 2016 Sideed qof oo ku dhimatay qarax ka dhacay koonfurta-bari ee Turkiga
June 21, 2016 Baidoa prepares to host Somali national consultation forum
September 6, 2017 Mareykanka oo sheegay in ay saddex dagaalyahan oo katirsan Al-Shabaab ku dileen gobolka Bay
