Hoggaamiye dhaqameed lagu dilay degmada Hadaaftimo

Marxuum Suldaan Xasan Cali Jibriil. [Sawir Hore]

Garoowe-(Puntland Mirror) Suldaan Xasan Cali Jibriil oo kamid ahaa hoggaamiye dhaqameedyada gobolka Sanaag ayaa lagu dilay degmada Hadaaftimo ee gobolka Sanaag maanta oo Jimce ah, sida warsidaha Puntland Mirror ay u sheegeen ilo-wareedyo katirsan dowladda Puntland.

Ilo-wareedka ayaa sheegay in Suldaanka ay si aan ku talo-gal ahayn ciidamo ku sugnaa bar-kantarool ay rasaas ugu fureen gaarigiisa kadib markii ay ka shakiyeen.

Suldaanka ayaa ku sii jeeday magaalada Badhan, sida ilo-wareedyadu ay intaas ku dareen.

Madaxweynaha Puntland Cabdiweli Maxamed Cali oo safar ku jooga magaalada Badhan ee gobolka sanaag ayaa ka tacsiyeeyay dilka Suldaan Xasan Cali Jibriil, sida lagu sheegay waraaq tacsi ah oo kasoo baxday xafiiskiisa.