Cabdulxaafid Yuusuf Ibraahim, kaasoo si xun ugu dhaawacmay qarax loogu rakibay gaarigiisa galabtii Arbacada gudaha Muqdisho, ayaa geeriyooday, sida ay sheegtay ICRC.
“Aad ayay noo dhaawacday dhimashada Cabdulxaafid, kaasoo xubin muhiim ah ka ahaa shaqaalahayaga Soomaaliya,” Simon Brooks, madaxa ICRC ee Soomaaliya ayaa sidaa ku sheegay bayaan tacsi ah.
Cabdulxaafid ayaa ICRC ku biiray shan bilood kahor isaga oo ahaa xafiishayaha isgaarsiinta iyo xiriirka, sida ay sheegtay haayada biniaadanimada ee ICRC.
Saraakiil katirsan booliiska Soomaaliya ayaa Arbacadii warbaahinta u sheegay in gaariga Cabdulxaafid uu ku qarxay meel wax yar u jirta xafiiska ICRC ee Muqdisho.
ICRC ayaa sheegtay in mid kale oo shaqaalaheeda katirsan uu dhaawac fudud kasoo gaaray qaraxa.
Ma jirto cid sheegatay masuuliyada weerarkaas, balse xagjiriinta Al-Shabaab ayaa mar walba geysta weerarada noocaan oo kale ah.
Related Posts
March 2, 2020 Subject: Invitation to Tender # pr/GRW/SOMALIA/2020/3 For School Feeding to Crisis affected Children Particularly Rural Areas
June 2, 2017 Mid kamid ah dablaydii dhaawacday Kornayl Xaaji Cariish oo ku dhintay koonfurta Gaalkacyo
November 29, 2020 Ciidamada milatariga Soomaaliya oo dil toogasho ah ku fuliyay saddex xubnood oo katirsanaa Al-Shabaab
January 1, 2024 Liiska xubnaha la shaaciyay 70% waa sharci daro, guddoomiyaha guddiga ansixinta khilaafaadka baarlamaanka Puntland
