“Dhallinyarada Soomaaliyeed waxa ay udub dhexaad u yihiin horumarka iyo dib u curashada dawladnimadeenna, waxaan ugu baaqayaa in ay muruqooda iyo maskaxdooda si mutaddawacnimo ah ugu adeegaan dalka.” Ayuu yiri Madaxweynuhu.
Madaxweyne Farmaajo hadalkan ka sheegay kulan xog isweydaarsi ah oo uu Madaxtooyada kula yeeshay xubno ka tirsan ururrada dhallinyarada ee magaalada Muqdisho.
Farmaajo waxa uu dhallinyarada uga warbixiyey xaaladda dalka, gaar ahaan siyaasadda, amniga, dhisidda iyo xoojinta hay’adaha dawladda, kobcinta dhaqaalaha iyo qorsheyaasha lagula dagaallamayo musuqmaasuqa.
Madaxweynaha ayaa xusay in dhallinyarada Soomaaliyeed ay kaalin weyn ku leeyihiin sugidda amniga qaranka, maadama ay yihiin tirada ugu badan shacabka Soomaaliyeed, kartida iyo howlkarnimana ay u leeyihiin difaaca dalkooda iyo dadkooda.
“Dhallinyaro, waxa la idinka rabaa in aad dawladda gacan ku siisaan dadaallada lagaga hortagayo argagaxisada iyo kooxaha nabad-diidka ah ee sida joogtada ah u gumaada haldoorka dhallinyarada iyo shacabka Soomaaliyeed.”
Kulanka ayaa yimid iyada oo maanta oo bishu tahay 12 Agoosto caalamka laga xusayo maalinta dhallinyarada Adduunka.
Related Posts
January 8, 2019 Baarlamaanka Puntland oo doortay madaxweyne cusub
November 19, 2016 Somali PM Sharmake call on Galkayo’s displaced people to return home
May 21, 2017 Waqooyiga Kuuriya oo tijaabisay gantaal cusub oo rido gaaban
February 11, 2018 Wasiirka Dastuurka Soomaaliya oo Garoowe u yimid la tashi
Be the first to comment