Garoowe-(Puntland Mirror) Guddiga doorashooyinka Puntland ee TPEC ayaa ku guda jira qeybinta kaararka cod-bixinta codeeyaasha, oo ay ka wadaan goboladii ay dadku iska diiwaangeliyeen horaantii sanadkan 2023.
TPEC ayaa qorshaysay in doorashada dowladdaha hoose ay dhacayaan dabayaaqada bishaan May, inkastoo qaar kamid ah siyaasiyiin saamayn weyn leh ay walaac ka muujiyeen xalaalnimada doorashada, iyagoona ku eedeeyay madaxweynaha xilka haya Siciid Cabdullahi Deni in uu doonayo muddo kororsi.
Guddiga doorashooyinka ayaa sheegay in ku dhawaad 400,000 qof ay iska diiwaangeliyeen gobolada Nugaal, Bari, Karkaar, Sanaag, Haylaan, Gaardafuu iyo Mudug. Gobolada Sool iyo Cayn oo kamid ah sagaalka gobol ee Puntland ayaa meel kamid ah aysan is-diiwaangelin ka dhicin.
Puntland ayaa bishii October 2021 saddex degmo ka qabatay doorasho hal qof iyo hal cod markii ugu horeysay tan iyo asaaskii Puntland, taasoo yididiilo u ahayd in bulshada ay xaq u yeeshaan in ay codkooda ku doortaan masuuliyiinta u adeega. Balse is-casilaadii guddoomiyihii TPEC Guuleed Saalax Bare iyo ku xigeenkiisii Jaamac Xirsi Faarax ayaa saamayn weyn ku yeelatay kalsoonida dadka ee hanaanka dimuqraadiyada. Labada masuul oo iscasilay bishii January 2022 ayaa madaxweynaha ku eedeeyay in uu caqabad ku noqday hanaanka.
Related Posts
January 7, 2019 Puntland oo xirtay dhammaan xuduudaheeda iyadoo ay soo wajahantahay doorashada madaxweynaha
October 20, 2016 Milatariga Turkiga oo sheegay in diyaaradahooda dagaalka ay ku dileen gudaha Suuriya in ka badan 200 dagaalyahan oo Kurdiyiin ah
May 17, 2020 Guddoomiyihii gobolka Mudug Axmed Muuse Nuur oo lagu dilay weerar ismiidaamin ah oo ka dhacay Gaalkacyo
November 28, 2016 Dagaal culus oo u dhaxeeya Al-Shabaab iyo maleeshiyaad taageersan Galmudug oo ka qarxay deegaanada Dabagalo iyo Duumaaye oo hoostaga degmada Xara-dheero
Be the first to comment