![Diyaaradaha dagaalka Ruushka oo si aan kas ahayn duqeyn ugu dilay saddex askari oo Turki ah gudaha Suuriya. [Sawirka: Archive]](https://puntlandmirror.net/wp-content/uploads/2017/02/rus.jpg)
Taliyaha ciidamada Turkiga Hulusi Akar ayaa sheegay in 11 askari ay sidoo kale ku dhaawacmeen markii diyaaraduhu si aan kas ahayn u duqeeyeen dhisme ay ku sugnaayeen ciidamo katirsan Turkiga.
Taliyaha ayaa sheegay in shilku uu dhacay maanta oo Khamiis ah.
Askartii dhaawacantay ayaa si deg deg ah loogu qaaday isbitaalka.
Khadka taleefoonka oo uu kula hadlay Madaxweyne, Recep Tayyip Erdogan, dhiggiisa Turkiga Vladimir Putin ayaa ka tacsiyeeyay dilkaas, sida ay bayaan ku sheegtay madaxtooyada Ruushka maanta oo Khamiis ah.
Bayaanka ayaa sidoo kale lagu sheegay in labada hoggaamiye ay isku raaceen in la sameeyo wada-shaqayn milatari marka la sameynayo howlgalada ka dhanka ah maleeshiyada ISIS iyo ururada kale ee xagjiriinta ah ee ku sugan gudaha Suuriya.
Gobolka Al-Bab oo duqeyntu ka dhacday ayaa u dhow xadka koonfureed ee Suuriya la leedahay Turkiga.
Related Posts
May 23, 2017 Shirkada korontada NECSOM oo bilowday tamar dhalinta dabaysha
September 19, 2016 Ninkii qaaday weerar mindiyayn ahaa oo ka dhacay xarun dukaamaysi oo kutaala Minnesota oo la aqoonsaday in uu Soomaali ahaa
June 2, 2019 121 maxbuus oo laga sii daayay xabsiyada Puntland kadib markii madaxweynaha uu cafis u fidiyay
December 14, 2016 Al-Shabaab oo wacad ku martay in ay khaarajin doonto xildhibaanada cusub ee baarlamaanka
