Howlgalka ayaa ka dhacay deegaanada Timirshe, Caymara iyo buuraha Cal Miskaat ee gobolka Bari, halkaas oo maleeshiyada ISIS ay ka howlgalaysay sanadihii u dambeeyay.
“Ciidanka PSF waxay hawlgalkan ku dileen tiro ka badan 20 xubnood oo ka tirsan cadowga Daacish oo ay ku jiraan saraakiil sare oo uu iskugu jira Soomaali iyo ajnabi ,uuna ka mid yahay sarkaal sare oo ajnabi ah oo kooxda Daacish u qaabilsanaa tababarada, xiriirka caalamka,” ayaa PSF ku sheegeen bayaanka.
Ciidanka PSF ayaa sidoo kale sheegay in howlgalka ay ku burburiyeen kayd weyn oo ay maleeshiyada ISIS dhigan jireen saadka iyo sahayda, kaydkaas oo ay yaaleen raashin aad u faro badan, daawo, rasaas iyo waxyaabaha laga sameeyo qaraxyada.
Sawiro ay PSF ku daabaceen boggooda Facebook ayaa laga arki karay meydka maleeshiyo ku labisan tuutaha ciidanka iyo raashin.
Maleeshiyada oo loo maleynayo in ay haysato ku dhawaad 100 dagaalyahan, ayaa saddexdii sanno ee u dambeysay sheegatay masuuliyada ficilo argagixiso oo ay kamidyihiin dilal iyo qaraxyo oo badankood ka dhacay gudaha Boosaaso, ee xarunta ganacsiga Puntland.
Related Posts
August 27, 2024 HOAX: Somalia’s Ministry of Education did not advertise these online courses and jobs
August 31, 2022 Madaxweynaha Puntland oo xilka ka qaaday taliyihii ciidamada Daraawiishta Yaasiin Cumar Dheere
August 9, 2017 Journalist Ahmed Kismayo dies in India
August 21, 2019 Wasiirka maaliyada Soomaaliya oo sheegay in kharashka daabacaada uu hortaaganyahay lacagta cusub ee dalka
