Muqdisho-(Puntland Mirror) Ciidamada haayada nabadsugida Soomaaliya ee NISA ayaa sheegay in ay fashiliyeen weerar gaari qarax laga soo buuxshay ayna qabteen qofkii rabay inuu isku biimeeyo huteel ku yaala caasimada Soomaaliya, Muqdisho, sida uu sheegay sarkaal.
Afhayeenka dowlada hoose ee Muqdisho, Cabdifataax Cumar Xalane oo la hadlay wakaalada wararka Sonna ayaa sheegay in qofkii isqarxin lahaa uu hadda ku jiro gacanta ciidamada NISA su’aalana la weydiinayo.
“NISA waxay qabteen gaari laga soo buuxshay aalado qarxa iyo qof al-Shabaab ah kaasoo rabay inuu weerar ku qaado huteelka Maka al-mukarama ee Muqdisho” ayuu yiri afhayeenka, waxaa halkaas ka jiray kulan u dhaxeeyay isimo iyo siyaasiyiin, NISA ayaa baaraysa kiiska, ayuu ku daray.
Kani waa weerarkii labaad oo qarax gaari laga soo buuxshay oo ay NISA fashiliso 24-saac gudahood. Shalay ayay ahayd markii ciidamada NISA ay ku fashiliyeen gaari kale oo walxaha qarxa laga buuxshay kaasoo ay ciidamada ku qabteen deegaanka Ceelasha Biyaha oo ku yaala daafaha Muqdisho.
Related Posts
February 21, 2018 Milatariga Mareykanka oo beeniyay in Al-Shabaab ay askari Mareykan ah ku dishay meel u dhow Kismaayo
March 9, 2020 Raysulwasaaraha dalka Suudaan oo ka badbaaday isku day dil
November 3, 2018 Madaxweynaha Puntland oo la kulmay wakiilka Qaramada Midoobay ee Soomaaliya oo safarkiisii ugu horeeyay ku yimid Garoowe
May 9, 2020 Ciidamada Itoobiya oo qirtay in ay soo rideen diyaarad laga lahaa Kenya
