![Ciidamada dowladda Suuriya oo dib ula wareegay degmada Aleppo. [Sawirka: AFP]](https://puntlandmirror.net/wp-content/uploads/2016/11/9930b53e2e9e1731d2c0e4333c1c29b05894a6e5-640x430.jpg)
Ciidamada Suuriya ayaa hadda guud ahaanba gacanta ku haya degmada Aleppo, iyaga oo sifaynaya meelaha miinooyinka iyo bumbooyinka lagu qariyay, sidaa waxaa ku warantay wakaalada wararka Suuriya ee Sana.
Dowladda ayaa waday gulufka ka dhanka ah falaagada oo ay dib ugu qabsanayso Aleppo tan iyo 15-kii bishaan November.
Dad gaaraya ilaa iyo 275,000 qof ayaa ku xayiran, waxaana dagaalka ku dhintay 212 qof oo shacab ah, sida ay sheegeen guddiga kormeerida xuquuqda aadanaha Suuriya oo fadhigoodu yahay dalka UK.
Dadka dhintay ayaa waxaa ku jira 12 caruur ah, sida ay sheegeen guddiga, warbixinada ayaa muujinaya in ay jiraan la’aanshaha daawooyinka caafimaad iyo cuno.
Qabsashada Aleppo ayaa guul u noqonaysa madaxweynaha Suuriya Bashar al-Assad kadib lix sanno iyo bar colaad ah.
Aleppo, ayaa mar ahaan jirtay xarunta ganacsiga iyo warshadaha ee Suuriya, waxayna u qaybsanayd labo qeybood tan iyo 2012-kii, iyadoo qeybta galbeed ay maamuli jirtay dowladda qeybta barina falaagada.
Related Posts
December 11, 2019 Ciidamada ammaanka DFS oo sheegay in ay soo afjareen weerar ay Al-Shabaab ku qaaday huteelka SYL ee Muqdisho
May 21, 2018 Madaxweyne Ku Xigeenka Khaatumo oo sheegay in ay ku taageersanyihiin Puntland soo celinta gobolka Sool
June 25, 2017 Ammaanka Puntland oo la adkeeyay, walaac laga muujiyay hanaanka amni sugida
October 13, 2016 Puntland and Galmudug exchange mortar fire
