Waxaa weerarkaas cadeeyay ciidamada badda ee Midowga Yurub oo marka magacooda lasoo gaabsho la dhaho (EU Navfor) ee ku sugan biyaha Soomaaliya, iyaga oo sheegay in is-rasaasayn ay dhexmartay lixda nin iyo ilaaladii markabka CPO Korea.
“Kuwa looga shaki qabo burcad-badeed ayaa ugu dambayntii cararay kadib markii ilaaladii CPO Korea ay si buuxda isaga difaaceen iyaga oo wadada badashay kordhiyayna xawaaraha si ay u fashiliyaan weerarka,” ayay dhaheen ciidamada badda ee Midowga Yurub.
Waa markii kowaad oo weerar burcad-badeed laga sheego xeebaha Soomaaliya muddo ku dhow labo sanno iyo bar, sida ay cadeeyeen ciidamada badda ee Midowga Yurub.
Taliyaha ciidamada badda ee Midowga Yurub ee ku sugan xeebaha Soomaaliya, Janaraal sare Rob Magowan ayaa yiri: “Weerarka waxa uu muujinayaa in burcad-badeeda ay wali weeraro ku qaadi karto maraakiibta si ay u weydiistaan madaxfurasho. Waa muhiim in beesha caalamka ay il-dheer u yeelato.”
“Ciidamada badda ee Midowga Yurub waxay kala shaqaynayaan saaxiibada la dagaalanka burcad-badeeda in ay iska-kaashadaan dadaalada lagu hubinayo burcada in aysan mar dambe kusoo noqon xeebaha Soomaaliya.” Ayuu ku daray taliyuhu.
Burcad-badeedii xeebaha Soomaaliya ayaa hoos u dhacday saddexdii sanno ee u dambaysay iyadoo ay sababtay maraakiibta oo shaqaalaysiiyay shirkado amni oo gaar ah iyo joogitaanka maraakiibta caalamiga ah ee la dagaalanka burcad-badeeda, sidoo kale waxaa burcad-badeeda si weyn dhanka beriga ugala diriray gaar ahaan xeebaha Puntland ciidamada badda ee Puntland.
Related Posts
July 24, 2016 Ilaalada madaxtooyada Turkiga oo lagala dirayo
July 13, 2020 Taliyaha ciidanka Dowladda Federaalka Soomaaliya oo ka badbaaday weerar ismiidaamin ah oo ka dhacay Muqdisho
June 9, 2016 Puntland President vows to execute al-Shabab prisoners if al-Shabab will not stop killing of civilians
October 24, 2017 Madaxweynaha Puntland oo sheegay in uu ka qeybgali doona shirka Muqdisho
Be the first to comment