Ninka hubeysnaa ayaa soo afduubtay gaari kadibna waxa uu afduub ahaan u qabsaday suuq kuyaala magaalada Trebes.
Madaxweynaha Faransiiska Emmanuel Macron ayaa sheegay in dhacdada ay muujineyso sumad weerar argagixiso.
Masuuliyiinta Faransiiska ayaa sheegay in ninka weerarka geystay uu asal ahaan kasoo jeedo dalka Moroco, waaxana uu dalbanayay in la sii daayo Saalax Cabdisalaam, kaasoo kamid ah koox looga shaki qabo weeraradii Paris ka dhacay bishii November 2015, oo lagu dilay 130 qof.
Kahor inta uusan gelin suuqa, ninka hubeysnaa ayaa rasaas ku furay afar booliska katirsan oo ruc leynayay magaalada Carcassonne, waxaana uu dhaawacay hal kamid ah.
Warbaahinta Faransiiska ayaa sheegay in ninkaas weerarka geystay lala xiriirinayo Ururka Daacish.
Kani ayaa ahaa dhacdadii ugu horeysay oo argagixso tan iyo markii Madaxweynaha dhawaan la doortay ee Faransiiska uu qaaday labo sanno oo xaalad deg deg ahaa oo dalkaas la gashay.
Dalka France ayaa sanadihii u dambeeyay la kulmay weeraro argagixiso oo khasaare badan ka dhashay, oo ay masuuliyadiisa sheegteen Daacish.
Related Posts
June 14, 2016 Madaxweynaha Puntland oo xil ka qaadis ku sameeyay taliyeyaasha ciidanka ee haayada nabadsugida PIA
August 2, 2017 Ugu yaraan 10 qof oo ku dhaawacantay qarax gaari oo ka dhacay gudaha magaalada Kismaayo
August 29, 2021 Puntland oo taageero milatari ku wareejisay maamulka Galmudug
January 30, 2017 Booliiska Garoowe oo xiray nin la raadinayay oo kamid ah koox dhalinyaro ah oo degmada Galdogob kufsi ka geysatay
Be the first to comment