Sii daynta ayaa timid labo maalmood kadib markii ciidamada dowladda Soomaaliya ay xireen Cabdiraxmaan, kadib weerar lagu qaaday gurigiisa, kaasoo lagu dilay afar kamid ahaa ilaaladiisa.
Isaga ayaa dhaawac fudud soo gaaray intii uu socday howlgalka.
Cabdiraxmaan ayaa loo xiray khiyaano qaran, sida Wasaaradda Amniga Soomaaliya ay shir saxaafadeed ka sheegtay Isniintii.
Talaadadii, waxa uu kasoo muuqday maxkamad kutaala Muqdisho isaga oo lagu eedeeyay khiyaano qaran, balse xaakimka ayaa xeer ilaaliyaha ka codsaday in uu keeno cadaymo muujinaya dembiga uu galay Cabdiraxmaan.
Cabdiraxmaan ayaa soo noqday Wasiirka Qorsheynta Soomaaliya, waxaana uu ahaa musharax madaxweyne doorashadii bishii Febaraayo oo uu ku guuleystay Madaxweyne Maxamed Cabdullaahi Farmaajo.
Si kastoo ay ahaataba, Cabdiraxmaan ayaa la sii daayay kadib cadaadis ka yimid qabiilkiisa, sida ilo-wareed ku sugan Muqdisho ay u sheegeen warsidaha Puntland Mirror.
Gudaha Soomaaliya, qabyaalada ayaa weli ka xoog badan haayadaha dowladda iyada oo dalka uu dagaalku-dhibbaateeyay uu isku dayayo dib u kabasho.
Related Posts
August 17, 2016 Bandhig buugeed ka furmay magaalada Muqdisho
July 30, 2017 At least five killed in car bomb blast in Mogadishu
December 8, 2016 Guddiga doorashooyinka dadban ee heer Puntland oo sheegay in doorashadu ay dib uga bilaabmi doonto Garoowe asbuuca soo socda
August 13, 2023 Mideeye oo saddex shuruudood ku xiray ka qeybgalka hanaanka dimuqraadiyada
Be the first to comment