Raysulwasaaraha New Zealand Jacinda Ardern ayaa shir jaraaid ku sheegtay in toogashada ka dhacday masaajidka uu u muuqdo “weerar argagixiso” oo lasoo diyaarshay.
“Tani waxay noqon doontaa mid kamid ah maalamaha ugu murugada badan New Zealand,” ayay tiri.
Labada masaajid ee la bartilmaameedsaday ayaa kala ahaa Masaajidka Al Nuur oo kuyaala bartamaha Christchurch iyo masaajidka labaad oo kuyaala Linwood.
Qof goobjooge ah ayaa warbaahinta u sheegay in uu arkay nin qori sida oo qaba dhar madow iyo koofiyad oo soo galay qeybta dambe ee masaajidka Al Nuur kadibna uu rasaas ku furay dad halkaas ku tukanayay, waxaa la xaqiijiyay in halkaas ay ku dhinteen dad gaaraya 30 qof oo ciibaadeysanayay oo ay ku jireen caruur iyo haween.
Ciidamada booliiska ayaa sidoo kale cadeeyay in 10 qof ay ku dhinteen masaajidka kale ee la weeraray oo kuyaala deegaanka Linwood.
Booliiska New Zealand aya gacanta ku dhigay dhowr qof oo looga shaki qabo weerarka.
Waxa uu ahaa toogashadii ugu dhimashada badnayd ee ka dhacda dalka New Zealand taariikhda.
Related Posts
February 19, 2018 Deeq bixiyeyaasha caalamiga oo diiday maalgelinta hanaanka dimuqraadiyeynta Puntland: Xog
July 13, 2016 Madaxweynaha dawlada Puntland oo la kulmay dhalinyarada gobolka Mudug
January 4, 2017 At least three UN Somali guards wounded in car bomb blast in Mogadishu
July 3, 2017 Ciidamada ammaanka Puntland oo wariye ku xiray Garoowe
Be the first to comment