Muqdisho-(Puntland Mirror) Shirka madasha sare ee hoggaamiyaasha siyaasada Soomaaliya ayaa maanta oo Talaado ah si rasmiya uga furmay caasimada Soomaaliya ee Muqdisho.
Shirka ayaa waxaa kasoo qaybgalay madaxda dowlada federaalka Soomaaliya iyo madaxweynayaasha dowlad goboleedyada Soomaaliya.
Ajandaha shirka ayaa gabi ahaanba ku saabsan hanaanka doorashooyinka dib u dhacay ee la filayo in bisha Oktoobar ee dabayaaqada sanadkan ay dhacaan.
Khuburada falaanqeeya siyaasada Soomaaliya ayaa sheegaya in ay macquul noqon karto in wakhtiga doorashooyinka ay mar kale dib u dhacaan, marka la fiiriyo qaabka diyaargarowga.
Beesha Caalamka ayaa sheegtay in ay bixinayso 60 boqolkiiba dhaaalaha ku baxaya doorashooyinka halka 40 kale laga rabo in ay bixiyaan maamulada iyo dowlada dhexe.
Sida ay khuburada sheegayaan waxaa macquul ah in shirkan looga hadlo qorshayaal horey loo degsaday balse aan muuqan in ay qabsoomaan, marka la fiiriyo dhaqaalaha iyo wakhtiga yar ee harsan.
Shirkan ayaa la filayaa in uu si dhaqso ah u soo gabagaboobo iyadoo tobonka bishaan uu Muqdisho ka furmayo shir madaxeedka urur goboleedka IGAD oo muddo 25-sanno kadib markii ugu horeysay lagu qabanayo halkaas.
Related Posts
October 3, 2016 Hassan Sheikh Mohamoud in Baidoa town for campaign activities
October 7, 2016 Ugu yaraan 8 qof oo lagu dilay dagaal u dhaxeeya Puntland iyo Galmudug oo ka dhacay Gaalkacyo
August 10, 2016 Madaxweynaha Puntland oo Garoowe dib ugu soo noqday kadib markii uu kasoo qaybgalay shirka madasha qaran
December 12, 2023 Madaxweynaha Puntland oo magacaabay guddiga khilaafaadka ee xulista baarlamaanka
