Bursa-(Puntland Mirror) Madaxweynaha dowlada Puntland Cabdiweli Maxamed Cali oo ku sugan dalka Turkiga ayaa masuuliyiin meeqaam hoose oo kamid ah wasaarada waxbarashada Turkiga kula kulmay magaalada Bursa oo kutaala waqooyiga-bari ee dalka Turkiga.
Sida lagu sheegay bayaan kasoo baxay xafiiska warfaafinta madaxtooyada Puntland, madaxweynaha ayaa masuuliyiinta uu la kulmay waxaa uu kala hadlay arrimo ay kamidyihiin sii xoojinta xiriirka waxbarashada iyo tababarada shaqaalaha ee Puntland iyo dalka Turkiga.
Dhanka kale, Madaxweynaha ayaa booqasho ku tagay machadka lagu barto farsamada gacanta BUSKEM oo kuyaala magaalada Bursa iyo masjidka EMIR Suldan.
Madaxweynaha ayaa sidoo kale kulan la qaatay duqa magaalada Bursa, Recep Altepe, waxaana kulankaas diirada lagu saaray sidii magaaladaas loogu mataanayn lahaa magaalo kamid ah Puntland, sida lagu sheegay bayaanka xafiiska warfaafinta madaxtooyada.
Turkiga oo mashaariic badan ka fuliyay gudaha Soomaaliya, ayaan wax mashaariic ah ka hirgalin deegaanada Puntland, balanqaadyo hore oo Turkiga sheegay in mashaariic ay ka fulinayaan Puntland ayaan wali waxba ka hirgalin.
Related Posts
January 29, 2019 Madaxweynaha Dowladda Puntland oo qaabilay qunsulka cusub ee Itoobiya
October 10, 2017 Puntland Security Forces launches operation against Al-Shabab in Galgala hills, claims to have killed fighters
January 19, 2017 Xasan Shiikh oo dalalka Jaamacada Carabta ka codsaday in ay gacan ka geystaan abaarta ka jirta dalka
February 7, 2017 Labo madfac oo ku dhacay meel u dhow goobta doorashada ee Muqdisho iyadoo ay soo aadantahay doorashada madaxweynaha Soomaaliya
Be the first to comment