Port Louis-(Puntland Mirror) Haaydaha garsoorka ee wadanka Mauritius ayaa maalintii Khamiista ee shalay xukun ku riday 12 burcad-badeed Soomaali ah.
Burcad-badeeda ayaa lagu eedeeyay in ay weerar ku qaadeen Markab xamuul oo marayay biyaha Badweynta Hindiya sanadkii 2013-kii, waxaana lagu xukumay shan sanno oo xabsi ah.
Kooxda burcada ah ayaa waxaa gacanta ku dhigay wax yar kadib markii ay weerarka ku qaadeen markabka, ciidamada la dagaalanka burcadbadeeda ee jooga biyaha Badwenta Hindiya.
Nimanka burcad-badeeda Soomaalida ah ee la xukumay ayaa da’doodu waxay u dhaxaysaa 22-sanno ilaa iyo 47.
Intii uu socday xukunka garsooraha ayaa sheegay in saddex sanno oo hore oo ay xabsiga ku jireen laga saarayo wakhtigooda xabsiga.
Mauritius ayaa ah wadan jasiirad ah oo ku dhex yaala Badweynta Hindiya ee xeebta koonfur-bari qaarada Afrika.
Related Posts
September 5, 2016 Soomaaliya oo hakisay qaadka Miirowga ee ka yimaada dalka Kenya
December 18, 2017 Ciidamada dowladda Soomaaliya oo Muqdisho ku xiray Cabdiraxmaan Cabdi Shakuur
January 24, 2019 Puntland oo aas qaran u sameysay taliyihii hore ee ciidamada Daraawiishta
April 13, 2023 Puntland oo sheegtay in ay ogaatay kooxdii ka dambaysay weerarkii xarunta ganacsiga Macruuf
