Wiilka uu dhalay hoggaamiyihii hore ee dalka Libya Mucamar Al-Qadaafi ayaa u muuqda in xabsiga laga sii daayay, sida ay sheegayaan warbixino soo baxay.
Sayf al-Islaam Qadaafi ayaa lagu xukumay dil toogasho ah sanadkii hore, waxaana la sheegay inuu ku xirnaa magaalada Zintan oo kutaala galbeedka Libya.
Si kastoo ay ahaataba qareenkii Sayf al-Islaam ayaa u sheegay taleefishinka France 24 in 12-kii bisha April lasii daayay haddana uu fiicanyahay oo uu joogo gudaha Libya.
Qareenka ayaa sheegay in lagu sii daayay cafis ay meelmariyeen aqalka wakiilada ee dowlada Libya oo ay Qaramada Midoobay taageersantahay.
Macluumaad Twitter-ka lasoo gashay oo la sheegay in uu kayimid wasaarada cadaalada Libya ayaa lagu xusay in lasii daayay kadib codsi kayimid hoggaamiyaasha sare ee qabiilka Qadaafi.
44-sanno jirkan uu dhalay hoggaamiyihii hore Libya ayaa shahaadada PhD ka qaatay iskuulka dhaqaalaha ee London.
Waxaa la qabtay bishii November sanadkii 2011-ka, dhowr asbuuc kadib markii la dilay aabihiis, kadibna waxaa maxkamad Libya kutaala ku eedaysay dambiyo dagaal.
Maxkamada caalamiga ee (ICC) ayaa raadinaysa Sayf al-Islaam isagoo loo haysto doorkii uu ku lahaa gaboodfalo dhacay xilligii ay socdeen kacdoonkii Libya ee 2011-ka, kaasoo lagu riday taliskii aabihiis oo muddo 40-sanno ka badan ka jiray Libya.
Related Posts
September 20, 2018 Soomaaliya oo sheegtay in ay diyaar u tahay in ay ciidamo u dirto Koonfur Suudaan
April 19, 2021 Madaxweynaha Puntland Siciid Cabdullaahi Deni oo cafis u fidiyay 66 maxbuus
May 27, 2019 Saddex maleeshiyo oo katirsan Al-Shabaab oo lagu dilay duqeyn uu Mareykanku ka geystay gudaha Puntland
September 20, 2021 Raysulwasaare ku xigeenka Soomaaliya oo sheegay in ICJ ay soo saari doonto xukunka kiiska badda Soomaaliya-Kenya 12-ka Oct.
Be the first to comment