Boosaaso-(Puntland Mirror) Saddex xubnood oo katirsan maleeshiyada ISIS ayaa Arbacadii la geeyay maxkamada ciidamada Puntland kuwaasoo wajahaya eedaymo dilal badan oo ka dhacay magaalo xeebeedka Boosaaso.
Xubnaha oo uu kamidyahay madaxii qaraxyada iyo dilalka u qaabilsanaa ISIS magaalada Boosaaso kaasoo magaciisa Abshir Tooshle ayaa lagu qabtay howlgal bishii May ka dhacay Boosaaso oo ay fuliyeen ciidanka PSF.
Ninkan ayaa qirtay in uu ka dambeeyay dilal loo geystay dad isugu jira ganacsato, nabadoono, ciidamo iyo dad shacab ah, sida lagu sheegay war-saxaafadeed kasoo baxay ciidanka PSF Arbacadii.
ISIS ayaa dabayaaqadii sanadkii 2015-kii kacdoonkeeda kaga dhawaaqday gobolka Bari ee Puntland, kooxda ayaa waxaa hoggaamiya Cabdulqaadir Muumin oo horey u ahaa hoggaamiye katirsan maleeshiyada Al-Shabaab.
Boosaaso, oo ah xarun ganacsiyeedka Puntland, ayaa sanadihii lasoo dhaafay waxaa ka dhacay dilal iyo qaraxyo ay masulliyadiisa sheegteen maleeshiyooyinka ISIS iyo Al-Shabaab.
Related Posts
October 10, 2016 Ugu yaraan hal qof oo ku dhintay qarax gaari oo ka dhacay Muqdisho
November 26, 2018 Al-Shabab oo weerar ku dishay hoggaamiye xarun diimeed oo kutaala koonfurta Gaalkacyo
June 24, 2016 Somali PM Sharmake fires two female ministers
September 30, 2016 Puntland minister of justice and religious affairs call for rain-prayer amid widespread drought
Be the first to comment