Boosaaso-(Puntland Mirror) Saddex xubnood oo katirsan maleeshiyada ISIS ayaa Arbacadii la geeyay maxkamada ciidamada Puntland kuwaasoo wajahaya eedaymo dilal badan oo ka dhacay magaalo xeebeedka Boosaaso.
Xubnaha oo uu kamidyahay madaxii qaraxyada iyo dilalka u qaabilsanaa ISIS magaalada Boosaaso kaasoo magaciisa Abshir Tooshle ayaa lagu qabtay howlgal bishii May ka dhacay Boosaaso oo ay fuliyeen ciidanka PSF.
Ninkan ayaa qirtay in uu ka dambeeyay dilal loo geystay dad isugu jira ganacsato, nabadoono, ciidamo iyo dad shacab ah, sida lagu sheegay war-saxaafadeed kasoo baxay ciidanka PSF Arbacadii.
ISIS ayaa dabayaaqadii sanadkii 2015-kii kacdoonkeeda kaga dhawaaqday gobolka Bari ee Puntland, kooxda ayaa waxaa hoggaamiya Cabdulqaadir Muumin oo horey u ahaa hoggaamiye katirsan maleeshiyada Al-Shabaab.
Boosaaso, oo ah xarun ganacsiyeedka Puntland, ayaa sanadihii lasoo dhaafay waxaa ka dhacay dilal iyo qaraxyo ay masulliyadiisa sheegteen maleeshiyooyinka ISIS iyo Al-Shabaab.
Related Posts
August 10, 2016 Madaxweynaha Puntland oo Garoowe dib ugu soo noqday kadib markii uu kasoo qaybgalay shirka madasha qaran
July 29, 2019 Key ISIS member killed in US airstrike in Puntland
January 25, 2017 Soomaaliya oo noqotay dalka ugu musuqmaasuqa badan dunida
June 11, 2016 Wasiirka amniga Puntland oo Boosaaso ku noqday kadib daaweyn caafimaad oo uu dibada kusoo qaatay
Be the first to comment