Wasiirka Arrimaha Dibada Soomaaliya Axmed Ciise Cawad ayaa laanta Af-Soomaaliga ee VOA u sheegay in wadahadalada u dhaxeeya Soomaaliya iyo Imaaraatka ay bilaabmeen, isaga oo intaas ku daray in uusan jirin wadan saddexaad oo dhexdhexaadinaya.
Xiriirka u dhaxeeya labada dal ayaa meel xun gaaray maalmihii lasoo dhaafay kadib markii ciidamada ammaanka ee ku sugan Muqdisho ay 8-dii bishaan April qabteen lacag kaash ah oo ay siday diyaarad ka timid Imaaraatka.
Imaaraatka Carabta ayaa sheegay in lacagta oo dhan $9.6 milyan loogu talogalay in lagu daboolo mushahaarka 2,407 askari oo katirsan ciidamada Soomaaliya oo ay tababaraan Imaaraatka.
Masuuliyiinta dowladda Soomaaliya ayaa sheegay in lacagta la dhigay bangiga dhexe lana baarayo.
Imaaraatka ayaa bayaan uu soo saaray Axadii ku sheegay in ay joojiyeen barnaamijkooda taageerada ciidamada Soomaaliya kadib khilaafka soo kala dhexgalay labada dhinac.
Xiriirka u dhaxeeya Soomaaliya iyo Imaaraatka ayaa xumaa tan iyo maamulka Madaxweyne Maxamed Cabdullaahi Farmaajo.
Related Posts
December 11, 2016 Ugu yaraan todobo qof oo ku dhimatay qarax gaari oo ka dhacay banaanka hore ee dekada weyn ee Muqdisho
June 12, 2017 Raysulwasaaraha Soomaaliya oo tagay Ethiopia si uu uga qeybgalo shirka Urur Goboleedka IGAD
December 29, 2016 At least 7 killed in Afgoye fighting between Somali government forces and Al-Shabab
December 28, 2016 Maleeshiyada Al-Shabaab oo dib u la wareegay degmada Moqokori kadib markii ciidamada is-bahaysanaya ay baneeyeen
Be the first to comment