Hargeysa-(Puntland Mirror) Xisbiga Wadani ee Somaliland ayaa sheegay in ay joojiyeen wada shaqayntii ay la lahaayeen Guddiga Doorashooyinka Somaliland.
Shir jaraaid oo maanta oo Khamiis ah ay masuuliyiin katirsan Wadani ku qabteen magaalada Hargeysa, ayay ku eedeeyeen Guddiga Doorashooyinka in ay la safanyihiin xisbiga Kulmiye, waxayna sheegeen in ay jiraan musuq maasuq la sameeyay.
Masuuliyiinta Wadani ayaa sheegay in Guddiga Doorashooyinka ay ka jawaabi waayeen cabashooyinka ay u gudbiyeen.
Ma jirto wax jawaab ah oo kasoo baxday Guddiga Doorashooyinka Somaliland ilaa iyo hadda.
Arrinta ayaa imaanaysa iyadoo dadweynaha reer Somaliland ay sugayaan natiijada ugu dambeysa ee doorashadii dhacday maalintii Isniinta.
Goobjoogayaal caalami ah oo gaarayay ku dhawaad 60 kuwaasoo ka kala yimid 27 dal ayaa bayaan ay soo saareen ku ammaanay qaabka ay u dhacday doorashada madaxtinimada Somaliland.
Related Posts
April 1, 2020 Al-Shabaab Says It Executed Six People in Somalia for Spying
December 18, 2016 Baarlamaanka Puntland oo meelmariyay miisaaniyada sanadka 2017-ka
August 13, 2023 Mideeye oo saddex shuruudood ku xiray ka qeybgalka hanaanka dimuqraadiyada
September 24, 2016 Ugu yaraan hal qof oo ku dhintay isku-dhac ka dhacay Gaalkacyo oo dhexmaray maleeshiyo iyo ciidamo Puntland ah
