Mid kamid ah odayaasha dhaqanka oo la hadlay idaacada maxaliga ah ee Radio Daljir ayaa yiri: “Waxaan codsanaynaa wax alle iyo wixii ood ah oo la dhigay nawaaxiga Garoowe laga xukumo in si deg deg ah looga qaado, codsigaas waxaan u jeedinaynaa isimada, maamulka dowladda, cuqaasha iyo wax alle iyo wixii ka xanuunsanaya dhibaatada wadanka taal.”
“Waxaan codsanaynaa in ka daan ka daan aan lagu reebin hal ood ah, haddii kale waxaa kasoo socota ceeb iyo kala dhimad iyo dagaal iyo wax daran sidaa darteed waa in laga hortagaa waxaas oo si deg deg ah hawshaas loogu dhaqaaqo.”
Odayaasha ayaa sheegay in intii ay abaartu jirtay dooxooyinkii ay xooluhu daaqi jireen la heeraartay.
“Intii loo baxay intii ay abaartu jirtay dooxooyinkii oo dhan ee xooluhu daaqi jireen ayaa nin iyo dooxo loo heeraartay.”
Xirmooyinka dooxooyinka ay xooluhu daaqi jireen ayaa gobolka Nugaal iyo Puntland oo dhan ku noqotay dhibaato deegaan, taasoo sababtay in ay yaraato baadkii iyo daaqii xoolaha ayna khatari soo wajahdo xoolaha oo ah laf-dhabarta dhaqaale ee wadanka.
Related Posts
February 13, 2017 Madaxweyne ku xigeenka Puntland oo ka hadlay wadahadalada u dhaxeeya Somaliland iyo Khaatumo iyo hadalo ka soo yeeray Cali Khaliif Galayr
April 23, 2017 Madaxweyne Farmaajo oo tagay magaalada Baydhabo
June 8, 2016 Puntland’s Mudug women association chairwoman shot dead in Galkayo
August 2, 2017 President Farmajo appoints Tarsan as political advisor
